सोमबार, मंसिर १२, २०७९
Monday, November 28, 2022

टोकियो – जापान एयरलाइन्सले वातावरणमैत्री विमानको उडान शुरु गरेको छ । जापान एयरलाइन्सले हानेडा-नाहा रुटमा चार्टर उडानका लागि वातावरणीय इन्धन प्रयोग गर्दै वातावरणमैत्री विमान संचालनमा ल्याएको हो ।

कार्बन उत्सर्जन उड्डयन उद्योगको संघर्षको सबैभन्दा ठूलो बाधाहरू मध्ये एक हो । यस उडानमा प्रयोग भएको दिगो उड्डयन इन्धनले कार्वन डाइअक्साइडको उत्सर्जन लगभग ८० प्रतिशतले घटाउने भनिएको छ । वातावरणमैत्री इन्धन मुख्यतया फोहोर तेलबाट उत्पादन गरिन्छ ।

वातावरणमैत्री इन्धन व्यापक प्रयोगमा लैजाने प्रयासलाई मध्यनजर गर्दै सञ्चालनका क्रममा जैविक इन्धन प्रयोग गर्ने उडान पनि शून्य अपशिष्ट सिद्धान्तका साथ सञ्चालन गरिएको एयरलाइन्सले जनाएको छ ।

एयरलाइन्सले दिगो उड्डयन इन्धन प्रयोग गरी सेवा प्रदान गर्ने नयाँ सहरहरू थप्ने र २०२४ देखि नियमित उडानमा वातावरणमैत्री इन्धन प्रयोग गर्ने योजना रहेको बताएको छ । यसको प्रतिद्वन्द्वी एएनएले सन् २०२० देखि वातावरणमैत्री इन्धन प्रयोग गर्दै आएको छ।

तपाईको प्रतिक्रिया