काठमाडाैं – दक्षिण एसियाली मुलुक अफगानिस्तानमा तालिबानको कब्जापछि सोमबार काबुल अन्तर्राष्ट्रिय विमानस्थलमा पहिलो पटक अन्तर्राष्ट्रिय व्यवसायिक उडानको विमान अवतरण गरेको छ ।
कतारी सञ्चार माध्यम अल जजिराले पाकिस्तन एयरलाइन्सको व्यवसायिक उडानको विमान काबुल विमानस्थल पुगेको पुष्टि गरेको छ । अन्तर्राष्ट्रिय समाचार एजेन्सी एएफपीले पनि पाकिस्तान एयरलाइन्सको विमान काबुल पुगेको जनाएको छ ।
#UPDATES A Pakistan International Airlines plane carrying handful of passengers touches down at Kabul airport, the first international commercial flight to land since the Taliban retook power
.@AFP journalist on flight says only “around 10 people” aboard pic.twitter.com/qF5GAUeisY
— AFP News Agency (@AFP) September 13, 2021
गत १५ अगस्टमा तालिबानले काबुल कब्जामा लिएपछि ३१ अगस्टसम्म काबुल अन्तर्राष्ट्रिय विमानस्थल अमेरिकी सेनाले नियन्त्रणमा लिएको थियो । अमेरिकी सेना फर्किएपछि विमानस्थल तालिबानको कब्जामा छ ।
विमानस्थल तालिबानको कब्जा गएपछि पहिलो पटक अन्तर्राष्ट्रिय व्यवसायकि उडान भएको हो । सोमबार पाकिस्तानबाट १० जना यात्रु लिएर सो विमान काबुल विमानस्थलमा अवतरण गरेको छ । एजेन्सी
