काठमाडौं – स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८३०५ जना कोरोना संक्रमित थपिएका छन् । सो अवधिमा कोरोना संक्रमणबाट थप १९० जनाको मृत्यु भएको छ ।
२२ हजार ८७ नमुना परीक्षण गर्दा ८३०५ जनामा संक्रमण पुष्टि भएको हो । यससँगै संक्रिय संक्रमितको संख्या १ लाख १५ हजार ८५२ पुगेको छ । उनीहरुमध्ये १ लाख ८ हजार ३८ होम आइसोलसेसनमा छन् । त्यसैगरी, ६५४३ जना संक्रमणमुक्त भएका छन् ।
हाल आइसोलेसनमा ७ हजार ८१४ जना संक्रमित छन् । उनीहरुमध्ये १७४८ जना आइसियूमा छन् । तीमध्ये ४९२ जनालाई भेल्टिलेटरमा छन् । मन्त्रालयका अनुसार हालसम्म ४ लाख ८८ हजार ६४५ जनामा कोरोना संक्रमण पुष्टि भएको छ । हालसम्म ५ हजार ८४७ जनाको मृत्यु भएको छ भने ३ लाख ६६ हजार ९४६ जना संक्रमणमुक्त भएका छन् ।
