काठमाडौं – टर्कीको इस्तानबुलमा कुकुरको बफादारिता देखेर धेरै मानिस दंग परेका छन् ।
कुकुरका मालिकको ब्रेन सर्जरी गरिएको थियो र उनी एक हप्तासम्म अस्पतालमा बस्नुपरेको थियो । मालिक भित्र रहँदा कुकुर चाहिँ अस्पतालको प्रांगणमा उनलाई कुरिरह्यो ।
बोनकुक नामक सानो कुकुरको बफादारिता देखेर अस्पतालका कर्मचारी पनि प्रभावित भए । पछि अस्पताल प्रशासनले कुकुरलाई मालिकसँग भेट्न अनुमति दियो ।
मालिकको नाम सेमल सेन्तुर्क हो । जनवरी १४ मा मस्तिष्कको शल्यक्रियाका लागि उनलाई अस्पतालमा भर्ना गरिएको थियो ।
सेन्तुर्कलाई एम्बुलेन्समा राखेर अस्पताल लग्दा कुकुरले पनि पछ्यायो । ऊ अस्पतालको प्रवेशद्वारसम्मै पुग्यो ।
पछि ऊ नियमित अस्पताल पुग्न थाल्यो । हरेक बिहान ऊ अस्पताल पुग्ने गर्थ्यो । कहिलेकाहीँ अस्पतालका कर्मचारीहरूले उसलाई खाना दिन्थे ।
शल्यक्रिया सम्पन्न भएर सेन्तुर्क अस्पतालमा निस्किएपछि कुकुर खुशी हुँदै मालिकको ह्वीलचेयरसँगै दौडियो र पुच्छर हल्लाइबस्यो ।
सेन्तुर्क आफ्नो प्यारो कुकुरको बफादारिता देखेर फुरुंग छन् ।
