शुक्रबार, फाल्गुण ११, २०८०
Friday, February 23, 2024

टोकियो – जापानमा आउँदो फेब्रअरी महिनामा कोरोना भाइरसविरुद्धको खोप लगाउन सुरु गरिने भएको छ । प्रधानमन्त्री योसिहिदे सुगाले अर्को महिनाको मध्य तिरबाट नागरिकलाई कोरोनाविरुद्धको खोप लगाउन सुरु गरिने बताएका हुन् ।

टोकियोमा बिहान पत्रकार सम्मेलन गर्दै प्रधानमन्त्री सुगाले सकेसम्म अर्को महिनाको मध्यसम्ममा नागरिकहरुलाई खोप उपलब्ध गराउने बताए । पहिलो चरणमा स्वास्थ्यकर्मी, वृद्धवृद्धा र कर्मचारीहरुलाई खोप लगाइने उनको भनाई छ । त्यसपछि सबै नागरिकलाई कोरोनाविरुद्धको खोप उपलब्ध गराउने प्रधानमन्त्री सुगाले बताए ।

साथै कोरोना संक्रमण फैलिदै गएको टोकियो र आसपासका प्रान्तमा आपतकाल लगाउन सकिने पनि उनले बताएका छन् । संक्रमण थप फैलिन नदिनका लागि टोकियो र तीन छिमेकी क्षेत्रहरुमा आपतकालिन अवस्था घोषणा गर्न सकिने छ । तर आपतकाल पहिलेको जति कडा हुनेछैन । –एजेन्सी

तपाईको प्रतिक्रिया