काठमाडौं – नेकपाका स्थायी समिति सदस्य डा. भीम रावलले सहिदका रगतको अपमान गरी लोकतान्त्रिक गणतन्त्रलाई ध्वस्त बनाउने कुचेस्टा गर्नेलाई जनताले बढारेर लग्ने बताएका छन् । शुक्रबार नेकपा (पुष्पकमल दाहाल प्रचण्ड माधव नेपाल समूह)को सुदूरपश्चिम प्रदेश कमिटीको चौथो बैठकलाई सम्बोधन गर्दै उनले जनताको अगाडि हिजोको निरंकुश शासन टिक्न नसकेको बताए ।
उनले संविधानको रक्षा र देशको राष्ट्रियता स्वाधिनताको रक्षाका लागि सदैब तत्पर रहन कार्यकर्तालाई निर्देशन दिए ।
प्रधानमन्त्री केपी शर्मा ओलीले सबै कुरा लत्याएर संसद विघटन गरेपछि अब जनता जागिसकेको उनको भनाइ छ । जनताको अगाडि कसैको पनि केहि नचल्ने रावलले बताए ।
