काठमाडौं – एप्पलको विषयमा विश्वमै सबैभन्दा सही प्रक्षेपण गर्दै आएका नेल साइबर्टका अनुसार एप्पलले नयाँ कोशेढुंगा पार गरेको छ । उनले सार्वजनिक गरेको पछिल्लो प्रतिवेदन अनुसार विश्वको सबैभन्दा मूल्यवान कम्पनी एप्पलद्धारा उत्पादित आईफोनको प्रयोगकर्ता संख्या एक अर्ब नाघेको छ ।
‘आईफोनको प्रयोगकर्ता एक अर्ब पुगेका छन । मेराे अनुमान अनुसार यो आँकडा आईफोनले अघिल्लो महिनामै पुरा गरेको हो,’ उनले भनेका छन् ।
उनका अनुसार आईफोन ट्वेल्भ सिरिज लञ्च हुनुअगाडि नै विश्वमा आईफोन प्रयोगकर्ताको संख्याले एक अर्बको सीमा पार गरेको हो । गत महिनामात्रै आईफोन ट्वेल्भ सिरिजका फोन सार्वजनिक भएको थियो ।
सन् २००८ मा पहिलोपटक आईफोन बजारमा ल्याएको थियो । पहिलो उत्पादनबाटै राम्रो बजार पाएको कम्पनीले निरन्तर उत्तारचढावका बीच अघि बढ्दै आएको थियो । साइबर्टका अनुसार सन् २००७ बाट कम्पनीको नयाँ आइफोन प्रयोगकर्ताको संख्यामा गिरावट हुँदै आएको हो ।
अघिल्लो वर्षमात्रै एप्पलको प्रयोगकर्ता ९० करोड नाघेका थिए भने एप्पलको एप डाउनलोड गर्नेको संख्या पनि भर्खरैमात्र एक अर्ब नाघेको छ । यसलाई पनि उनले एप्पलको प्रयोगतर्का एक अर्ब नाघ्नुको एउटा आधारको रुपमा लिएका छन् ।
