काठमाडौं – गुगलविरुद्ध अमेरिकाकाे न्याय विभाग र क्यापिटल हिलमा चलिरहेकाे एन्टीट्रस्ट सुनुवाइलाई प्रतिस्पर्धी कम्पनी एप्पलले राम्रो अवसरको रुपमा लिने देखिएको छ । अन्तराष्ट्रिय समाचार संस्थाहरुमा प्रकाशित रिपोर्टले एप्पलले गुगललाई मात खुवाउने प्रतिस्पर्धी सर्च इन्जिन विकास गर्नसक्ने विश्वास गरेका छन् ।
एन्टी कम्पिटेटिभ अभ्यासलाई निरुत्साहन गर्ने लहर चलिरहँदा कम्पनीहरुका यस्ता किसिमका कदमले सिंङ्गो टेक उद्योगमाथि वर्चस्व कायम गरेका ठूला कम्पनीहरुले नै अहिले ठूला प्रतिस्पर्धा सिर्जना गरिरहेका छन् ।
करिब तीन वर्षअघि एप्पलले गुगलका सर्च प्रमुख जोन गियाननड्रियालाई आफ्नो हातमा लियो । एप्पलको यो कदमलाई आर्टिफिसियल इन्टेलिजेन्स र भ्वाइस सर्च सिरीको माध्यमबाट आफ्नो जगलाई बढाउने प्रयासकाे रुपमा हेरिएको थियो ।
तर एप्पल भित्रैबाट संगठानिक भएको कारण गियाननड्रियाले सम्भावित सर्च प्रडक्ट र सिरी दुवैमा पूर्णकालीन प्रयास दिने सम्भावना एकदमै कम देखिन्थ्यो । तर फरक भविष्यका लागि टिम वर्कमा आफ्नो विज्ञता प्रदान गर्ने अर्को सम्भाव्यता थियो ।
यदि एप्पलले कुनै सर्च टुल विकास गर्छ भने यो तेस्रो सर्च इन्जिन हुनेछ । किनभने गुगल बाहेक धेरैले माइक्रोसफ्टको बिङलाई पनि सर्च इन्जिनको रुपमा प्रयोग गर्दछन् ।
सर्च इन्जिन विकास गर्न एप्पल गुगलको प्रतिस्पर्धीको रुपमा उदाउने कुराले ठूला ठूला समाचार हेडलाइनको स्थान पाइरहे पनि एप्पलको यो विकास र कार्य सिरीलाई थप सर्च क्वेरीका लागि अत्याधुनिक बनाउने कदम पनि हुन सक्ने कदमको रुपमा हेरिएको छ ।
