टोकियो – जापान, सामरिकरुपमा विश्वको सातौं शक्तिशाली र आर्थिकरुपमा तेस्रो ठूलो अर्थतन्त्र रहेको देश हो ।
जापानको नाम सुन्नेबित्तिकै हामी सबैभन्दा पहिले समृद्ध एशियाली मुलुक भनेर चिन्ने गर्छौं।
प्रविधिको विकासलाई हेर्ने हो भने विश्वले निकै फड्को मारिसकेको छ । विश्वका शक्तिशाली मुलुकहरुले प्रविधिकै प्रयोग गरी आफूलाई अब्बल सावित गरिसकेका छन् । जसमा जापान अन्य मुलुकभन्दा प्रविधिमा आत्मनिर्भर छ ।
जापान नयाँ–नयाँ प्रविधिको कसरी आविष्कार गर्ने भन्ने कुरामा नै बढी केन्द्रित हुने गर्दछ । खाने, सुत्ने, उठ्ने र शौचालयसम्म र हरेक कामको सहजताका लागि जापानीहरु प्रविधिमा नै निर्भर छन् ।
यसैबीच विश्व आर्थिक फोरमद्वारा घोषित प्रविधिका १०० अग्रगामीहरूको सूचीमा जापानको टोकियोमा रहेका २ कम्पनी Abeja Inc. र CureApp Inc. समावेश भएका छन् ।
Abeja Inc. आर्टिफिसिएल इन्टेलिजेन्ट (एआई) अर्थात कृत्रिम बौद्धिकता सम्बन्धित प्रविधिका लागि परिचित छ ।
त्येस्तै CureApp Inc स्वास्थ्य सम्बन्धित मोबाइल एपहरुका लागि परिचित छ ।
उक्त सूची गत हप्ता घोषणा भएको हो ।
