काठमाडाैं – अबको दुई वर्षमा देशका अधिकांस भाग अप्टिकल फाइबरले जोडिने भएका छन् । हालसम्म सघन वस्ती र सिमति सहरी क्षेत्रमात्र जोडेको यो प्रविधिले आबको दुईवर्षभित्र करिबकरिब नेपालका सबै ठाउँलाई जोड्ने भएको हो ।
यसको मुख्य सारथी भनेको नेपाल टेलिकम हो । जसले प्रदेश १ देखि ३ सम्म २ हजार १७९ किलोमिटर क्षेत्रफलमा अप्टिल फाइबर विस्तार गरिसक्ने छ । नेपाल दूरसञ्चार प्राधिकरणले ग्रामिण दुरसञ्चार कोषको रकमबाट मध्य पहडी क्षेत्रसँग उत्तरदक्षिण करिडोरबाट नेपालभर अप्टिकल विस्तार गर्ने योजना ल्याएको छ । त्यसमा १ देखि ३ सम्मका प्रदेशमा नेपाल टेलिकमले जिम्म पाएको छ ।
४, ५ र ६, ७ गरी दुई प्याकेजका ठेक्का पनि प्राधिकरणले लगाएको छ । यसमा ४ र ५ मा ठेक्क पाएको युटिएलले काम नगरेपछि सरकारले ठेक्का तोड्न निर्देशन दिएको छ। ६ र ७ मा स्मार्ट वल्र्डंलिंकले काम गरिरहेको छ । नेपाल टेलिकमले जिम्मा पाएको क्षेत्रमा निकै ढिलागरीमात्र काम शुरु हुने भएको छ ।
टेलिकमले अप्टिकल विस्तारका लागि बल्ल ठेक्का सम्झौता गरेको छ । सम्झौता भएको २ वर्षभित्र काम सम्पन्न हुने टेलिकमका प्रबन्ध निर्देशक डिल्ली अधिकारीले जानकारी दिए । यसको जिम्मा टेलिकमले चिनियाँ कम्पनीलाई दिएको छ ।
