काठमाडौं – नेपाली राष्ट्रिय टोलीका लेग स्पिनर सन्दीप लामिछाने रहेको सिलेट सिक्सर्सले बंगलादेश प्रिमियर लिग (बीपीएल) क्रिकेट लिगमा आज (शुक्रबार) छैटौं खेल खेल्दैछ ।
सिलेटमा हुने खेलमा सन्दीपको टिम सिक्सर्सले ढाका डाइनामाइट्ससंग प्रतिस्पर्धा गर्दैछ । खेल नेपाली समय अनुसार अपरान्ह १:४५ मा सुरु हुनेछ ।
डाइनामाइट्सविरुद्ध मैदान उत्रदा सिक्सर्स तेस्रो जितको खोजीमा हुनेछ । प्ले अफ संभवाना जीवित राख्न सिक्सर्सलाई आजको खेल महत्वपूर्ण हुनेछ ।
सन्दीपको टिम सिक्सर्स ४ अंक जोडेर लिगको छैटौं स्थानमा छ । डाइनामाइट्स ८ अंक जोडेर शीर्ष स्थानमा छ ।
बीपीएलमा उच्च प्रदर्शन गरिरहेका सन्दीप डाइनामाइट्सविरुद्ध टिममा पर्ने सम्भावना रहेको छ । बुधबार भएको खेलमा सन्दीपले रंगपुर राइडर्सविरुद्ध १ विकेट लिएका थिए ।
