टोकियो – बेलायतको संसदमा मंगलवार एक रोवोटले अंग्रेजीमा भाषण दिएको छ । बेलायती संसदीय इतिहासमा रोवोटले यसरी धाराप्रवाह भाषण दिएको यो पहिलोचोटी हो ।
एनएचकेका अनुसार मानिसले जस्तै चलायमान गतिबिधि गर्ने जापानमा बनेको सो रोवोटले धाराप्रवाह भाषण दिन थालेपछि बेलायतका संसदहरु अभिरुचीका साथ उसको भाषण सुनेका थिए ।
जापानको दुरसञ्चार कम्पनी सफ्टबैंक समुहद्वारा नीर्मित सो पेपर रोवोट ज्येष्ठ नागरिकहरुको सहयोग गर्ने उद्देश्य रहेको जापान-युरोपियन संघको संयुक्त अनुसन्धान परियोजना अन्तर्गत मिडिलसेक्स विश्वविद्यालयमा राखिएको छ ।
रोवोटले संसदमा सम्बोधन गर्दै परियोजनाको उद्देश्य प्राप्तीका लागि ज्येष्ठ नागरिकहरुमा स्वावलम्वी क्षमताको बृद्धि गरी एकलकाँटेपनमा कम गरिनुपर्ने र उनीहरुमा रहेको बौद्धिक क्षमताको बिकास एवं सुधार गरिनुपर्ने लगायतका बिषयमा जोड दिएको थियो ।
बदलिदों विश्वपरिवेशमा कृत्रिम बुद्धिमत्ताको उपयोग गर्दै जारी चौथो औद्योगिक क्रान्तिमा मानव जीवनको भूमिकाको बारेमा सांसदहरुले जिज्ञासा राखेका थिए ।
प्रत्युत्तरमा रोवोटले वैचारिक क्षमता भएको मानवीय गुणको सँधै आवश्यकता रहीरहने बताएको थियो । नविन विचार उत्पन्न गर्न सक्ने क्षमता भएकोले मानवहरु नयाँ नयाँ मुल्य मान्यताअनुसार फरक ढंगले सोच्ने र सोहीअनुसार उद्देश्य प्राप्तीका लागि अत्याधुनिक कृत्रिम साधनहरुको आविष्कार हुने गरेको उसले बताएको थियो । ***
