काठमाडौं – रुसमा जारी फिफा विश्वकप फुटबलमा ट्युनिसियाले सान्त्वना जित हात पारेको छ । समूह एच मा रहेको ट्युनिसियाले बिहिबार राति भएको समूह चरणको अन्तिम खेलमा पानामालाई २ – १ ले हराउदै सान्त्वना जित निकालेको हो ।
मोर्डोभिया स्टेडियममा पानामाले बनाएको सुरुवाती अग्रता उल्टाएर ट्युनिसियाले जित निकालेको हो । ट्युनिसियाको लागि बेन युसुफ र वाह्बी खाज्रीले समान एक एक गोल गरे । पानामाको लागि पनि ट्युनिसियाकै खेलाडीले गोल गरे । ट्युनिसिया यासिने मेरिहले आत्मघाती गोल गरेका थिए ।
यो जितसँगै ट्युनिसियाले समूह चरणमा ३ अंक जोडेको छ । र, ट्युनिसिया ३ अंक जोडेर घर फर्किएको छ । यो समूहमा अंक बिहिन रहदै पानामा घर फर्किएको छ । यो समूहमा बेल्जियम बिजेता र इंग्ल्यान्ड उपविजेता बन्दै नकआउट चरणमा पुग्न सफल भयो ।
