काठमाडौं – रुसी विश्वकप फुटबलको नकआउट चरण पुग्ने टोलीको टुङ्गो लागेको छ ।
समुह एच अन्तर्गतको खेलको समाप्तिसंगै विश्वकपको अन्तिम १६ मा पुग्ने टोलीको टुङ्गो लागेको हो । समुह एबाट उरुगवे र रुस विश्वकपको प्रि क्वार्टरफाईनलमा पुगेका छन् ।
त्यस्तै समुह बीबाट स्पेन र पोर्चुगल, समुह सीबाट फ्रान्स र डेनमार्क, समुह डीबाट क्रोयसिया र अर्जेन्टिन, समुह ईबाट ब्राजिल र स्विटजरल्याण्ड नकआउट चरणमा प्रवेश गरेका छन् ।
त्यस्तै, समुह एफबाट स्विडेन र मेक्सिको, समुह जीबाट इङ्ल्याण्ड र बेल्जियम र समुह एचबाट कोलम्बिया र जापानले नकआउट चरणमा स्थान बनाएका छन् । पर्सी शनिबारबाट नकआउट चरणका खेल सुरु हृुनेछ ।
पहिलो खेलमा फ्रान्स र अर्जेन्टिना तथा उरुग्वे र पोर्चुगलबीच प्रतिस्पर्धा हुनेछ ।
