काठमाडौं – बायर्न म्युसनिखलाई पाखा लगाउँदै रियाल मड्रिड युरोपियन च्याम्पियन्स लिग फुटबल प्रतियोगिताको फाइनलमा प्रवेश गरेको छ ।
गएराति रियाल मड्रिडको मैदानमा भएको सेमिफाइनल दोस्रो लेगको खेल २-२ गोलको बराबरीमा सकिएपछि समग्रमा ४-३ को जित निकाल्दै रियाल मड्रिड फाइनलमा पुगेको हो ।
यसअघि बायर्न म्युनिखको मैदानमा भएको पहिलो लेगको खेलमा रियाल मड्रिड २-१ ले विजयी भएको थियो ।
गएरातिको खेलमा बायर्नका जोसुवा किमिच र हामेज रोड्रिग्व्जले एक–एक गोल गर्दा रियाल मड्रिडका लागि दुबै गोल करिम बेन्जमाले गरेका थिए ।
रियाल मड्रिडले अब उपाधिका लागि लिभरपुल र ए.एस रोमाबीचको दोस्रो सेमिफाइनल विजेतासँग प्रतिस्पर्धा गर्नेछ ।
दोस्रो सेमिफाइनल खेल आज राति ईटालीको रोममा हुनेछ ।
इङ्ल्यान्डमा भएको पहिलो लेगको खेलमा ५÷२ को जित निकालेको लिभरपुल यो खेलबाट फाइनल पुग्ने सम्भावना बलियो छ ।
