काठमाडौं – इङ्गलिस प्रिमियर लिग अन्तर्गत बुधबार राति भएको खेलमा म्यानचेस्टर युनाइटेड विजयी भएको छ ।
लिगको उपाधि सिटीले जितिसकेको भए पनि प्रतियोगितामा सुखद् अन्त्य गर्ने लक्ष्यमा रहेको युनाइटेडले बर्नमाउथलाई उसकै मैदानमा दुई शून्यले हरायो ।
युनाईटेडको जितमा क्रिस स्मलिङ र रामेलु लुकाकुले एक–एक गोल गरे । खेलको २८ औं मिनेटमा स्मलिङको गोल मार्फत अग्रता बनाएको युनाईटेडका लागि लुकाकुले ७० औं मिनेटमा दोस्रो गोल गरे । त्यसपछि बर्नमाउथ खेलमा फर्कन सकेन र पराजित भयो ।
जितपछि युनाइटेडले अर्को सिजनको च्याम्पियन्स लिग खेल्न पक्का गरेको छ । उसको लिगमा ३४ खेलबाट ७४ अंक रहेको छ ।
