काठमाडौं– विश्व फुटबल महासंघ (फिफा) बरियतामा नेपाल १७० औं स्थानमा स्थिर छ । फेब्रुअरीको वरियतामा १७० औं स्थानमा पुगेको नेपालले मार्चमा पनि यसलाई निरन्तरता दिएको हो । भारतले भने फिफा 
बरियता पुनः छलाङ मारेको छ । ३३ स्थान माथि उक्लिएको भारत १०१ औं स्थानमा छ । गतमहिना पनि वरियता क्रममा उल्लेख्य सुधार गर्दै भारत १३४ औं स्थानमा आइपुगेको हो ।
भुटानले पनि वरियता क्रममा सुधार ल्याउँदै नेपाललाई पछि पारेको छ । १३ स्थान माथि उक्लिएको भुटान १६४ औं स्थानमा छ । अफगानिस्तान तीन स्थान उक्लिँदै १५३ औं स्थानमा पुगेको छ । ११ स्थान तल झर्दा पनि माल्दिभ्स १५१औं स्थानमा छ । दक्षिण एसियाली मुलुकमध्ये नेपालभन्दा माथि भुटान, अफागानिस्तान, मालदिभ्स र भारत छन् । बंग्लादेश, पाकिस्तान र श्रीलंका नेपाल भन्दा पछाडि छन्। बंग्लादेश १९३ र श्रीलंका १९७औं स्थानमा छन् ।
पाकिस्तान भने २०१ औं नम्बरमा पुगेको छ । ब्राजिल सात वर्षपछि विश्व वरीयताको शीर्ष स्थानमा उक्लेको छ । त्यस्तै अर्जेन्टिना दोस्रो तथा जर्मनी तेस्रो स्थानमा रहेको छ ।
