काठमाडौं – व्यवस्थापिका संसदले निर्वाचनसम्वन्धी महत्वपूर्ण दुईओटा विधेयक पारित गरेको छ ।
संसदको बुधबार बसेको बैठकले मतदाता नामावलीसम्बन्धी विधेयक २०७३ र निर्वाचन आयोग विधेयक २०७३ लाई सर्वसम्मतले पारित गरेको हो ।
संसदको राज्य व्यवस्था समितिले तयार पारेको प्रतिवेदनसहितको विधेयक केही दिनअघि बसेको संसद बैठकमा पेस गरिएको थियो । यी दुबै विधेयक पारित भएपछि अब निर्वाचनसम्बन्धी तीनओटा महत्वपूर्ण विधेयक संसदमा विचाराधीन छन् ।
यी विधेयकसमेत पारित भइसकेपछि निर्वाचन गर्न सहज हुनेछ । संसदको अर्को बैठक शुक्रबार १ बजे पुनः बस्नेछ ।
