काठमाडौं – निर्माता रोज राणामाथि खुकुरी प्रहार गरेको आरोपमा प्रहरीले दुई जनालाई पक्राउ गरेको छ । रोजमाथि ३१ गते पुरानो बानेश्वरमा खुकुरी प्रहार भएको थियो । उनको अहिले उपचार चलिरहेको छ ।
राणामाथि खुकुरी प्रहार गरेको आरोपमा मोटे भन्ने विवेचन प्रजापति र कटुन्जे भन्ने सूर्य लामालाई पक्राउ गरेको छ । प्रहरीका अनुसार मोटे आक्रमणकारी हुुन् भने कटुन्जे सहयोगी थिए ।
मुख्य योजनाकार जोधा भन्ने रत्नबहादुर लामा भने फरार छन् । जोधा गुण्डा नाइके हुन् ।रोज आफैं विगतमा विभिन्न कारोबार र गुण्डागर्दीमा संलग्न रहेका थिए । उनले पुरानो सिसिइबी साध्न रोजमाथि आक्रमणको योजना बनाएको प्रहरी अनुसन्धानबाट खुलेको छ ।
भारतमा बस्दै आएका जोधाले रोजमाथि अक्रमण गर्ने योजना पहिले नै बनाएका थिए । तीन महिना पहिले नै मोटेलाई सिलगुडी बोलाएर रोजमाथि आक्रमण गर्न भन्दै ५० हजार भारु पेस्की दिएका थिए । हालै नेपाल आएका उनले थप ३० हजार दिएका थिए ।
साथै काम सम्पन्न भएपछि ३० लाख दिने र भविश्यमा पनि सहयोग लिने बचन दिएको प्रहरी अनुसन्धानबाट खुलेको छ ।
