उपत्यकाको ट्राफिक व्यवस्था अस्तब्यस्त, कहाँ कहाँ छ जाम हेर्नुहोस्

काठमाडौं – संघीय गठबन्धनको सिंहदरबार घेराउ कार्यक्रमले उपत्यकाको अधिकांश ठाउँमा अहिले सवारी जाम छ । सिहंदरबार आसपास भएर चल्ने सवारी साधनको आवामगन यतिबेला पूर्ण रुपमा प्रभावित भएको छ ।
पद्मोदय मोडबाट सिंहदरबार हुँदै माइतीघर जाने सवारी साधनलाई पद्मोदय मोडबाट रोकिएको छ । यस्तै तीनकुनेबाट नयाँबानेश्वर हुँदै माइतीघर आउने सवारी साधनलाई नयाँबानेश्वर चोकबाटै डाइभर्सन गरिएको ट्राफिक प्रहरीले जनाएको छ । पद्मोदयबाट अनामनगर हुँदै हनुमास्थान तर्फ जाने सवारी साधनलाई बासँघारी मोडबाटै डाइभर्सन गरिएको छ । यस्तै नयाँ बानेश्वर पानी ट्यांकीबाट थापागाउँ हुँदै हनुमानस्थन आउने सवारी साधनलाई नयाँ बानेश्वरबाटै डाइभर्सन गरिएको छ। कालीमाटीबाट त्रिपुरेश्वर हुँदै थापाथली आउने सवारी साधनलाई त्रिपुरेश्वरबाट डाइभर्सन गरिएको छ ।
यस्तै कुपण्डोलबाट थापाथली, त्रिपुरेश्वर जाने सवारीलाई कुपण्डोलमै डाइभर्सन गरिएको छ।

सवारी जाम भएका क्षेत्रहरू