नागोया – सास्कृतिक कार्यक्रमका लागि नेपाली कलाकारहरु जापान आइपुगेका छन् । कलाकारहरु आस्था राउत, पार्वती राई, रमेशराज भट्टराई र कल्पना श्रीपाल जापानको नागोयामा आइपुग्नुभएको छ ।
चितवन समाज जापानले आयोजना गरेको चितवन धमाका २०१६ मा सहभागी हुन जापान आएका कलाकारहरुलाई चितवन समाजका पदाधिकारीले च्युबू बिमानस्थलमा स्वागत गरेका थिए । आधुनिक पप गायिका आस्था राउतले नागोया बिमानस्थलबाटै कार्यक्रममा सहभागी हुन अपिल गर्नुभएको छ ।
मे २ तारिक नागोया स्थित कानायामा स्टेशन र हिगासी बेचुइन स्टेसनको बिचमा रहेको ज्योसेइ सभाहलमा दिउसो २ बजेबाट कार्यकम सुरु हुने आयोजक समितिले जनाएको छ । त्यसतै मे ५ तारिक टोकियो स्थित मेगुरो कुमिन सेन्टरमा दिउसो ४ बजे बाट कार्यक्रम हुने बताइएको छ ।
