टोकियो – गोल्डेन वीकको अवसरमा जापानमा थुप्रै साँगीतिक कार्यक्रमहरु हुने भएका छन् । ती कार्यक्रमका लागि नेपालबाट दर्जनौ कलाकारहरु जापान आउने भएका छन् ।
जसअनुसार यहि २४ तारिख आइतवार नौमती घुम्टे बाजा समुहको आयोजनामा हुन गईरहेको लाइभ साँगीतिक साँझ कार्यक्रमका लागि आमन्त्रित कलाकारहरु आज टोकियो आईपुगेका छन् ।
तोसिमा कुमिन सेन्टर इकेबुकुरोमा हुने उक्त कार्यक्रमका लागि नेपालबाट आएका कलाकारहरु कालिका रोका, मदन थापा र सबिना गुरुङलाई आयोजक संस्थाका संयोजक चन्द्रबहादुर खत्री, सल्लाहकार पिताम्बर चापागांई र कार्यक्रम संयोजक तथा गायक सूर्य खड्का लगायतले विमानस्थलमा स्वागत गर्नुभयो । 
गोरखा बारपाकका भूकम्प पीडितहरुको सहयोगार्थ आयोजित उक्त कार्यक्रममा युवराज आचार्य, सूर्य खड्का, बिनोद भण्डारी, पदम खत्री प्रदिप कार्की लगायतका स्थानीय कलाकारहरुको पनि साँगीतिक प्रस्तुती रहने भएको छ । ***
