राष्ट्रको शीर बैरी सामु झुक्न नदेउ नयाँ सरकार ।
देशप्रतिको जिम्मेवारी चुक्न नदेउ नयाँ सरकार ।।
सहिदले रगत बगाइ सिर्जिएको नेपाल हाम्रो ।
दुश्मनलाई वरिपरि ढुक्क नदेउ नयाँ सरकार ।।
डाँडा काँडा पखेरालाई हराभरा बनाउनु छ ।
नदीनाला झरनालाई सुक्न नदेउ नयाँ सरकार ।।
हिमाल पहाड तराईलाई एकै मालामा उन्नुपर्छ ।
एकताको त्यो डोरीलाई फुक्न नदेउ नयाँ सरकार ।।
आँच नआओस स्वाभिमानमा गोर्खालीका सन्तान हौं ।
देशद्रोहीलाई मौका छोपी झुक्न नदेउ नयाँ सरकार ।।
गैंडाकोट ४ नवलपरासी
हाल: इजरायल
