काठमाडौं– हिंसात्मक घटना भएको एक महिनापछि प्रधानमन्त्री सुशील कोइराला कैलालीको टीकापुर गएका छन् ।
कोइरालाले प्रधानमन्त्रीको हैसियतले टीकापुरको दु:ख बुझ्न टीकापुर आएको बताएका छन् । शनिबार बिहान ११ बजेतिर टीकापुर पुगेका प्रधानमन्त्री कोइरालाले स्थानीयसँगको छलफलमा भदौ ७ गते भएको घटनाले सामुदायिक दुर्भावना फैलाउने काम भएकोले आपसी मेलमिलापको वातावरण बनाएर सदभाव फैलाउन आग्रह गरे ।
प्रधानमन्त्री कोइरालाले पार्टीका सभासद अमरेश सिंह लगायतका नेताले सामुदायिक दुर्भावना फैलाएको सूचना पाएकाले उनीहरुलाई कारबाही गर्ने बताए ।
कोइरालासँग टीकापुर घटनामा मारिएका बालकका परिवारले बाल शहीद घोषणा गर्न माग गरे ।
