काठमाडौं– विनाशकारी भूकम्पपछि पराकम्पन आउने क्रम विस्तारै कम हुँदै गएको भएपनि शुक्रबार साता यताकै ठूलो भूकम्पको धक्का महसुस भएको छ । अपरान्ह धादिङ र नुवाकोटलाई केन्द्र बनाएर फेरि पनि अर्को भूकम्प गएको हो ।
अपरान्ह ४ बजेर ४४ मिनेटमा ४.८ म्याग्निच्यूटको भूकम्पको धक्का महसुस भएको राष्ट्रिय भूकम्प मापन केन्द्रले जानकारी दिएको छ ।
यो साताकै सबैभन्दा ठुलो धक्का हो । शुक्रबार दिउँसो २ बजेर ४५ बजे धादिङ र नुवाकोटलाई केन्द्र बनाएर ४.२ म्याग्निच्यूटको भूकम्पको धक्का महसुश भएको थियो ।
बिहीबार पनि ४ म्याग्निच्यूटमाथिका तीनवटा भूकम्पको धक्का महसुस भएको थियो । साना पराकम्पन जाने क्रम जारी रहेपनि त्यसबाट नआत्तिन भूकम्प मापन केन्द्रले जनाएको छ ।
