काठमाडौं- राष्ट्रपति डा. रामवरण यादवले नेपाली सेनालाई असार मसान्तसम्म परिचालन गर्न स्वीकृति प्रदान गरेका छन् ।
यसअघि गत वैशाख १२ गतेदेखि नै सेना परिचालन हुँदै आएपनि राष्ट्रपति यादवले बुधबार मात्र स्वीकृत प्रदान गरेका हुन् ।
विपदमा सेना परिचालनको सरकारी तौर–तरिकाबारे सेनाका परमाधिपति राष्ट्रपति यादवसमेतले असन्तुष्टि जनाएपछि सरकारले बल्ल वैधानिक प्रक्रियाबाट सेना परिचालनबारे सिफारिस गरेको थियो ।
सोमबारको मन्त्रिपरिषद बैठकले विपद् व्यवस्थापनका लागि आगामी असार मसान्तसम्म सेना परिचालन गर्न राष्ट्रपति यादवसमक्ष सिफारिस गरेको थियो ।