काठमाण्डाै-नेपाल सरकारले मानवरहित विमान (ड्रोन) को उडानमा प्रतिवन्ध लगाएको छ । विनाशकारी महाभूकम्पपश्चात नेपाली अाकाशमा मानवरहित विमान (ड्रोन) को अत्यधिक प्रयोग भएको, त्यसले नेपालको बहुमूल्य सम्पदाको तस्वीर लिने, निषेधित क्षेत्रको सूचना तथा तथ्यांक संकलन गर्ने र नेपालबारे गलत सन्देश प्रवाहित भएको भन्दै ड्रोन उडानमा प्रतिवन्ध लगाएको हो ।
नेपाल सरकारको नागरिक तथा उड्यान मन्त्रालयले एक सूचना जारी गरी अध्ययन अनुसन्धान प्रयोजनको लागि नेपाल सरकारको सम्बन्धित निकायको स्वीकृतिमा नेपाल नागरिक उड्यान प्राधिकरणले तोकिदिएको हवाइ क्षेत्र र निर्धारण गरेको शर्तहरूको अधिनमा रहेर मात्र ड्रोन उडान गर्न सकिने जनाएको छ । अनुमति नलिइकन अनधिकृतरूपमा ड्रोन उडान गरेको पाइएमा कडा कारवाही गरिने पनि सूचनामा उल्लेख गरिएको छ । ***