काठमाडौँ- सरकारले यही वैशाख २४ गतेका लागि संसद् अधिवेशन आह्वानको सिफारिस गरेको छ ।
मन्त्रिपरिषद्को आजको बैठकले उक्त दिन अपराह्न ३:०० बजे अधिवेशन बैठक आह्वान गर्न राष्ट्रपतिसमक्ष सिफारीस गर्ने निर्णय गरेको हो ।
प्रतिपक्षी मात्र नभई सत्तारुढ दलका सभासद्ले समेत व्यवस्थापिका–संसद्को अधिवेशन आह्वानको माग गर्दै आएका थिए ।
केही दिनअघि सरकारले संसद् अधिवेशन आह्वान नगरी सहकारीलगायत केही अध्यादेश जारी गरेकामा त्यसको उनीहरूले आलोचना गरेका थिए ।
अधिवेशन विभिन्न विधेयकबाहेक गत शनिबारको भूकम्पबाट क्षतविक्षत भौतिक संरचना, पुनःनिर्माण, विकास–निर्माणलगायत विषयमा केन्द्रित हुनेछ ।
