प्रेस युनियन अध्यक्षले राजीनामा दिएपछि महासंघ अध्यक्षका उम्मेदवार छान्न गाह्रो

काठमाडौं- कांग्रेस निकट पत्रकारहरुको संस्था प्रेस यूनियनका केन्द्रीय अध्यक्ष किरण पोखरेलले राजीनामा दिएका छन् ।

पोखरेलको राजीनामासँगै युनियले पत्रकार महासंघमा अध्यक्ष उम्मेदवार छान्न सकेको छैन । उनले आइतवार एक्कासी राजिनामा गरेपछि आकस्मिकरुपमा बसेको युनियनको बैठकले राजीनामा सम्बन्धमा पुनविचार गर्न आग्रह गरेको थियो । तर किरणले अस्विकार गर्दै आफू प्रेस यूनियनको फोहरी राजनीतिवाट अलग हुन चाहेको वताएका थिए ।

प्रेस यूनियन निकट स्रोतले दिएको जानकारी अनुसार अध्यक्ष किरण पत्रकार महासंघमा आफै अध्यक्ष उम्मेदवार बन्ने सोचमा थिए ।

किरणको राजिनामा पछि कार्यवाहक अध्यक्षको जिम्मेवारी पाएका बद्री सिग्देलले आफूहरु छलफलमा रहेकाले छलफल पछि पत्रकार महासंघमा उम्मेदवारी घोषणा गर्ने प्रतिक्रिया दिएका छन् ।