टोकियो – थकाली सेवा समिति जापानको १२ औं अधिवेशनका लागि आमन्त्रित प्रमुख आतिथि केन्द्रीय अध्यक्ष खगेन्द्र भट्टचन शनिवार स्वदेशतर्फ प्रस्थान गरेका छन् । भट्टचन दम्पतिलाई हानेदा अन्तरराष्ट्रिय विमानस्थलमा संस्थाका निवर्तमान अध्यक्ष तथा वर्तमान संरक्षक, शरदकुमार गौचन र उपाध्यक्ष गिरी शेरचनले विदाई गरेका थिए ।
केन्द्रीय अध्यक्ष भट्टचनलाई आयोजक संस्था थसेस जापानले एक समारोहका बिच अप्रिल ११ तारिखका दिन बिदाई गरेको थियो । टोकियो कामातास्थित एक रेष्टुरेन्टको सभाहलमा रात्रिभोज सहित अध्यक्ष बुद्धि गौचन र संरक्षक शरदकुमार गौचनले खादार्पण गरि उनीहरुलाई बिदाई गरिएको थियो । सो अबसरमा १२ औं अधिवेशनबाट नवनिर्वाचित कार्यसमितिका सम्पूर्ण पदाधिकारिहरुलाई केन्द्रीय अध्यक्ष भट्टचनले नेपालका विविध गतिबिधि जानाकारी गराउदै आन्तरिक प्रशिक्षण पनि दिनुभएको थियो । अध्यक्ष भट्टचन सोही दिन नेपाल पुगि सक्नुभएको छ ।
