राहुलले भने, ‘म जनताको काम गर्ने नोकर हुँ’

काठमाडौं- भारतीय कांग्रेसका उपाध्यक्ष राहुल गान्धीले आफु जनताको नोकर भएको बताएका छन् ।

दशवर्ष पछि भारतीय टेलिभिजनलाई दिएको पहिलो अन्तर्वार्तामा उनले चुनाव अघिनै प्रधानमन्त्री उम्मेदवार तोक्न आवश्यक नभएको बताए छन् ।

उनले निर्वाचित संसदले आफूलाई प्रधानमन्त्री बनाए जिम्मेवारीबाट नभाग्ने बताए । ‘हिन्दुस्तानका जनताको इज्जत गर्नुपर्छ, म प्रधानमन्त्री बन्छु भनेर इज्जत गरेको हुँदैन’ आजतक टीभीलाई दिएको अन्तर्वार्तामा उनले भनेका छन्, ‘म एक प्रकारको नोकर हुँ, हिन्दुस्तानको नोकर जसले जनताका लागि काम गर्छ ।’

उनले जारी लोकसभा निर्वाचनमा कांग्रेसलाई जनताले बहुमत  दिने बताए । ‘बहुमत आउन आवश्यक छ, हामी विचारधाराको लडाईमा छौ’ उनले भने, ‘एक व्यक्ति शक्तिशाली भएर देश चलाउने कुरा हाम्रो विचारधारासँग मिल्दैन ।’ ***