रुपन्देही- गृहमन्त्री बामदेव गौतमले करोडौँको लगानीमा बनेको फुटपाथलाई व्यापारको थलो बनाएकालाई हटाएरै छाडने बताएका छन् ।
शनिबार भैरहवामा नेकपा एमाले जिल्ला कार्य कमिटी रुपन्देहीको प्रथम जिल्ला परिषद कार्यक्रमको उदघाटन गर्दै गृह मन्त्री गौतमले करोडौँको लगानीमा बनाएको फुटपाथ व्यापारीलाई व्यापार गर्न नभई जनतालाई हिँडन बनाइएको बताए ।
कुनै व्यवसाय नभएको घरमा खान लाउन नपुग्नले र २÷४ सयको लगानीमा फुटपाथमा पसल खोलेर खोलेर गुण्डागर्दीको आडमा पसल सञ्चालन गर्न खोजेको उनको आरोप छ ।
‘फुटपाथमा पसल खोलेर बसिदिएपछि मान्छे बाटोबाट हिँडछन, दुर्घटना हुन्छ र क्षतिपूर्ति भन्दै देशै ठप्प पार्ने गरेको मनसाय हो’ उनले भने ।
संविधान जारी गर्नु भन्दा पहिले स्थानिय निकायको निर्वाचन गर्ने गौतमले बताए । उनले सबै एमालेका मन्त्रीहरुले जनताको हितमा काम गर्न बताए ।
एमालेको तर्फबाट कुनै पनि व्यक्तिले भ्रष्टाचार गर्यो भने त्यस्तो व्यक्तिलाई ठाडै कारवाही गरिने उनले बताए ।
