भट्टराईले भने-‘आफुलाई कम्युनिस्ट भन्न पनि लाज लाग्छ’

काठमाडौ- एमाओवादी वरिष्ठ नेता बाबुराम भट्टराईले नेताहरुको कार्यशैली र आचरणका कारण कम्युनिस्ट भन्न लाज लागेको बताएका छन् ।

प्रगतिशिल रुपान्तरण आन्दोलन नेपालले गरेको नयाँ शक्तिबारेको बहस कार्यक्रममा बोल्दै नेता भट्टराईले पार्टी रुपान्तरण भएर नयाँ शक्तिकोरुपमा विकसित हुन जरुरी भएको बताए।

आफुले पार्टीमा नयाँ शक्तिको नाममा गुटबन्दी गर्न नखोजेको पनि दावी गरे।

उनले नयाँ शक्ति निर्माणबारे अहिले देखि वहस थाल्नु पर्ने र संविधान निर्माण लगत्तै त्यसको अभ्यास गरिनु पर्नेमा जोडदिए।

कम्युनिस्ट पार्टीको नेतृत्व नोकरशाही भएका कारण कमजोर हुदै गएका छन्’, उनले भने, ‘जसका कारण नयाँ ढंगको पार्टी बन्न नसकेको बताए ।