हुलाक टिकट डिजाइनर राणा अस्वस्थ

काठमाडौ- कलाकार एवं हुलाक टिकट डिजाइनर मोहन नरसिंह राणाको स्वास्थ्य गम्भीर बन्दै गएको छ । क्यान्सर पीडित मोहनको नर्भिक अस्पतालमा तीन सातादेखि उपचार भइरहेको छ ।

माली गाउँका ६० वर्षे मोहनले हुलाक विभागमा वरिष्ठ कला अधिकृतको रूपमा ३१ वर्ष सेवा गरेर केही महिनाअघि मात्रै अवकाश पाएका थिए ।

उनले तीन सयभन्दा बढी टिकट डिजाइन गरेका छन् ।

छोरी दीपिका राणाका अनुसार १९९५ मा संयुक्त राष्ट्रसंघको ५० औं वाषिर्क उत्सवको अवसरमा भएको हुलाक टिकट कार्यक्रममा नेपालबाट उत्कृष्ट डिजाइन गरेबापत उनले गोल्ड मेडल पाएका थिए ।