ओबामाद्वारा नयाँ वर्षको शुभकामना

काठमाडौं- अमेरिकी राष्ट्रपति बाराक ओबामाले नेपाली नागरिकलाई नयाँ वर्ष २०७१ सालको शुभकामना दिएका छन् ।

राष्ट्रपति ओबामाले शनिबार विज्ञप्ति जारी गर्दै अमेरिकी नागरिक र आफ्नोतर्फबाट सम्पूर्ण नेपाली नागरिकलाई नयाँ वर्ष (विक्रम संवत्) को शुभकामना दिए ।

‘नेपाली नयाँ वर्षले सम्पूर्ण नेपालीमा सुखशान्ति प्राप्त होस, बितेको वर्ष नेपालले महत्वपूर्ण अवसर प्राप्त गरेको छ, संविधानसभाको निर्वाचन प्रजातान्त्रिक तवरले सम्पन्न भएको छ । मलाई विश्वास छ, नयाँ वर्षमा नेपालले अझ प्रगति र राजनीतिक स्थायित्व प्राप्त गर्नेछ,’ ओबामाले भनेका छन् । उनले नेपालले एक वर्षभित्रै नयाँ संविधान पाउने र त्यसले मुलुकलाई शान्तिको मार्गमा लैजाने अपेक्षासमेत गरेका छन् । ***