नेउवा महासंघको ४८ औ साधारणसभा सुरु

काठमाडौं – उद्योग वाणिज्य महासंघको ४८ औ साधारणसभा काठमाडौंको कमलादीमा रहेको प्रज्ञा प्रतिष्ठानमा सुरु भएको छ ।
महासघंको उदघाटन संविधानसभा अध्यक्ष सुवास चन्द्र नेम्वाङले गरेका छन् । उदघाटनपछि अहिले उम्मेदवारहरुले आफ्ना कार्य योजनाहरु प्रस्तुत गरिरहेका छन् ।
प्रत्यक्ष अप्रत्यक्ष गरेर झण्डै १ लाख उद्योगी व्यवसायी आवद्ध रहेको महासंघको साधारणसभाले तीन वर्षका लागि नयाँ कार्यसमिति चयन गर्ने भएको छ । नयाँ कार्यसमितिका लागि शनिबार बिहान ९ बजे निर्वाचन हुने उद्योग वाणिज्य महासंघले जनाएको छ ।

निर्वाचनमा अध्यक्ष पदका लागि वरिष्ठ उपाध्यक्ष भाष्करराज राजकर्णिकार र उपाध्यक्ष प्रदीपजंग पाण्डेले उम्मेदवारी घोषणा गरेका छन् । ***