सभासद ढकालले लगाए मनकामनाको पुजारीसंग मित

गोरखा– नेपाल परिवार दलको तथा सभासद एकनाथ ढकालले गोरखा मनकामना मन्दिरका पुजारी नर बहादुर थापामगरसंग मन्दिर परिसरमा आयोजित कार्यक्रममा मित लगाएका छन् ।

नेपाल परिवार दलले संचालन गरेको ‘राष्ट्र र जनता: पहिलो प्राथमिकता’ राष्ट्रिय जनजागरण कार्यक्रम अन्तर्गत ढकालले सामाजिक सदभाब बलियो बनाउन मित लगाएका हुन् ।

मितेरी सम्बन्धमा बाँधिएपछि सभासद ढकालले देशको १२६ जातजातिबीच सदभाव कायम गरि नेपालीहरु बिचको भावनात्मक सम्बन्ध बलियो बनाउन मितेरी अभियान संचालन गरेको बताउनु भयो ।

मित मगर परम्परा अनुसार लगाईएको थियो । नेपाल परिवार दलले २०७० बैसाख ५ गते देखि जनजागरण कार्यक्रमलाइ निरन्तरता दिदै आएको छ।