संविधानसभाको उपनिर्वाचन असार ८ गते

काठमाडौं- सरकारले संविधानसभाको उपनिर्वाचन २०७१ असार ८ गते गर्ने निर्णय गरेको छ।

दुई ठाउँबाट निर्वाचन जितेका नेताहरुले एक स्थान छाडेपछि हुन गएको रिक्त स्थानहरुमा उपनिर्वाचन हुने भएको हो ।

बिहीबार सिंहदरवारमा बसेको मन्त्रिपरिषद बैठकले सो निर्णय गरेको हो।

प्रधानमन्त्री शुशील कोइरालाले जितेको चितवन क्षेत्र नं ४, शेरबहादुर देउवाले जितेको कैलाली क्षेत्र नं ६, एमाले नेता माधवकुमार नेपालले जितेको काठमाडौं क्षेत्र नं २ र वामदेव गौतमले जितेको वर्दिया क्षेत्र नं १ मा उपनिर्वाचन हुन लागेको हो ।