टोकियो – एनआरएन जापानको कान्साइ क्षेत्रीय कमिटीले अप्रिल १४ तारिख सोमबारका दिन एक बनभोज कार्यक्रमको आयोजना गर्ने भएको छ ।
नेपाली नया वर्षो उपलक्ष्यमा हुन लागेको उक्त बनभोज कार्यक्रममा शुभकामना आदानप्रदान गरिनुका साथै नेपाली सँस्कृति झल्काउने नाचगान तथा अन्य रोचक खेलहरु पनि खेलाईने आयोजक श्रोतबाट थाहा भएको छ । यसका साथै सो अवसरमा हालै सम्पन्न मैत्रिपूर्ण फुटबल प्रतियोगिताका बिजयी टिमलाई प्रमाणपत्रसहित सम्मान गरिने कार्यक्रम पनि रहेको बताईएको छ ।
उक्त कार्यक्रमको सबै तयारी पुरा भईसकेको जानाकारी गराउँदै आयोजक सँस्थाका तर्फबाट सचिव रमेशबाबु घिमिरेले सम्पूर्ण कान्साईबासीहरुलाई कार्यक्रममा उपस्थितिका लागि हार्दिक आह्वान गरेका छन् । कार्यक्रम ओसाकाको योदोगावा कु निशी नाकाजिमामा अपरान्ह १२ बजेबाट सुरु हुने बताईएको छ । कार्यक्रममा भाग लिनका लागि जनही २ हजार येन शुल्क तोकिएको छ । ***
