फोनसेवा नै छैन हुलाक कार्यालयमा !

गोरखा- जिल्ला हुलाक कार्यालय गोरखा चार महिनादेखि फोनसेवाबाट वञ्चित भएको छ ।

जिल्लाभित्र र बाहिर चिठ्ठीपत्र आदान गर्ने र अरूलाई सञ्चार सेवा प्रदान गर्ने कार्यालयमा फोनसेवा नहुनुको कारण महसुलसँग जोडिएको छ ।

कार्यालयको फोनको बिल १४ हजार तिर्न बाँकी रहेका कारण टेलिकम गोरखा शाखाले लाइन काटेको हो ।

कार्यालयमा फोन नभएपछि मोबाइल प्रयोग गरेर सञ्चारका काम गर्नु परेको कर्मचारीहरुले बताएका छन् । दैनिक सयभन्दा बढी अफिसको काममा खर्च हुन्छ अफिसको फोनले काम गर्दैन । कार्यालयका प्रमुख नायब सुब्बा सुधिरकुमार यादवले फोनको बिल भुक्तानीका लागि विभागसँग माग गरिएको बताएका छन् ।