सरकारको काममा प्रधानमन्त्री नै खुशी छैनन्

काठमाडौं- झण्डै दुई महिनाअघि दुई तिहाई बहुमतले निर्वाचित प्रधानमन्त्री सुशील कोइराला आफैं पनि सन्तुष्ट छैनन् ।

पहिलोपटक औपचारिकरुपमा मिडियासामू आएका कोइरालाले सरकारले अपेक्षा गरेअनुरुप गति लिन नसकेको भन्दै सबै दललाई मिलाएर जानुपर्ने अवस्था भएकाले गति सुस्त भएको स्वीकार गरे ।

बालुवाटारमा दैनिक पत्रिकाका सम्पादक र संवाददाताहरुसँग कुराकानी गर्दै कोइरालाले गठबन्धन र पार्टीभित्र सल्लाह नगरी गरेको केही निर्णयका कारण पनि सरकारको गति सुस्त भएको बताए ।

उनले पार्टीभित्र र गठबन्धनका दलसँग सल्लाह नगरी पेट्रोलियम पदार्थको मूल्यबृद्धि गर्नु गल्ती भएको स्वीकारे ।

सरकारले संबिधान निर्माणलाई प्राथमिकतामा राखेर काम गर्ने भन्दै कोइरालाले एक बर्षभित्र जसरी पनि संबिधान जारी गर्ने दृढता व्यक्त गरे । ***