समितिको नेतृत्व प्रचण्डलाई दिनुपर्छः गजुरेल

काठमाडौं– एकीकृत नेकपा माओवादीका नेता हरिबोल गजुरेलले दलहरुले पहिला नै सहमति गरिसकेकोले उच्चस्तरीय राजनीतिक समिति गठन गर्नै पर्नेमा जोड दिदै शान्ति प्रक्रियाको नेता भएकोले उनकै नेतृत्वमा समिति गठन गर्नु पर्ने बताए ।

रिपोर्टर्स क्लब नेपालले मंगलबार आयोजना गरेको साक्षात्कारमा उनले राजनीतिक संबाद समितिको नेतृत्व अर्का नेता डा. बाबुराम भट्टराईलाई दिदा संविधान निर्माण सकारात्मक ढंगले अघि बढ्ने दावी समेत गरे ।

यूद्ध र गणतन्त्रलाई सबैले स्विकार गरिसकेकोले मेलमिलाप हुने गरी सत्य निरुपण आयोग गठन गर्नु पर्ने भन्दै उनले उच्चस्तरीय राजनीतिक समिति गठन गरे त्यसले शान्ति र संविधानमा सकारात्मक प्रभाव पार्ने ठोकुवा समेत गरे ।

गजुरेलले भने–यूद्धलाई सबैले स्विकार गरिसकेकोले अब यूद्धको घटनाको छानविन गर्न जरुरी छैन ।