काभ्रे- नेकपा एमालेको भातृ संगठन युवा संघ नेपालका अध्यक्ष महेश बस्नेतले काठमाडौं प्रहरी प्रमुख रमेश खरेलले नेपाली कांग्रेसको आडमा काम गरिरहेको आरोप लगाएका छन्।
खरेलले प्रहरीको बर्दी लगाएर राजनीति गर्न खोजेको आरोप लगाएका छन ।
४ दिनसम्म धुलिखेलमा चलेको युवा संघ नेपालको तेस्रो पूर्ण कमिटीको निर्णय सार्वजनिक गर्न मंगलबार एमाले जिल्ला पार्टी कार्यालय बनेपामा आयोजित पत्रकार सम्मेलनमा बोल्दै अध्यक्ष बस्नेतले हिम्मत भए बालकृष्ण ढुङगेललाई पक्राउ गरेर देखाउन खरेललाई चुनौती समेत दिए ।
उपप्रधान तथा गृह मन्त्री वामदेव गौतमको बोलीको बचाउ गर्दै बस्नेतले खरेल राजनीतिबाट अभिप्रेतरित रहेको दावी गरे।
‘युवा संघको ध्यानाकर्षणपछि गृह मन्त्री बोल्नु भएको हो,’ उनले भने, ‘विगमा गुण्डागर्दी गरेको आरोप लागेका मानिसलाई समात्ने र अहिले गुण्डागर्दी गर्नेलाई वास्ता नगर्ने काम खरेलले गरेका छन्।
