अखिल क्रान्तिकारीमा पहिलोपटक नेतृत्वका लागि चुनाव हुँदै

काठमाडौं- गुटगत विवादले सहमति नभएपछि एकीकृत माओवादी निकट अनेरास्ववियु क्रान्तिकारीको नयाँ नेतृत्वको लागि आज चुनाव हुँदैछ । चुनावमा सस्थान पक्ष र श्रेष्ठपक्षका दुई उम्मेदवारबीच भिडन्त हुनेछ ।

गएराति अवेरसम्म निवर्तमान पदाधिकारी बैठकमा भएको सहमतिको प्रयास असफल भएपछि निर्वाचन प्रक्रिया र सहमतिको प्रयासलाई सँगसँगै बढाइने भएको हो । अध्यक्षमा जागृत रायमाझी र रमेश मल्लबीच प्रतिस्पर्धा हुनेछ । मल्ल सस्थापन पक्षका र रायमाझि नारायणकाजी श्रेष्ठ पक्षका हुन । रायमाझिलाई बाबुराम भट्टराईले पनि साथ दिएका छन् ।

काठमाण्डुमा जारी १९औं राष्ट्रिय सम्मेलनमा सहमति नभएपछि आज निर्वाचनमार्फत नेतृत्व चयन हुँदैछ । सहमतिको प्रयास असफल भएपछि क्रान्तिकारीको इतिहासमा पहिलो पटक निर्वाचनमार्फत नेतृत्व चयन हुन लागको हो ।