काठमाडौं- गोरखा फुजेलका कृष्णप्रसाद अधिकारी हत्यामा आरोपितहरुले मृतकका दाजू नुरप्रसाद अधिकारीले आफूहरुलाई मार्ने धम्की दिएको आरोप लगाएका छन्।
आरोपितहरुले नुरप्रसादले एसएमएस मार्फत फिरौती मागेको, अपहरण प्रयास गरेको, हत्या गर्ने धम्की दिएको आरोप लगाएका छन्।
कृष्णप्रसादलाई २०६१ जेठ २४ गते चितवनमा तत्कालिन माओवादी कार्यकर्ताले हत्या गरेका थिए। छोराको हत्यामा संलग्नलाई कारबाहीको माग गर्दै नन्दप्रसाद अधिकारी र उनकी पत्नी लामो समयदेखि काठमाडौंमा अनशनमा छन्।
फुजेलका छविलाल पौडेल, सीता अधिकारी, बिष्णु तिवारी, रामप्रसाद अधिकारी, भीमसेन पौडेल, कालीप्रसाद अधिकारी, मेघनाथ पौडेल, हिमलाल अधिकारी, सुभद्रा तिवारी, रामप्रसाद अधिकारी, परशुराम पौडेललाई कृष्णप्रसाद अधिकारी हत्याको आरोप लगाइएको छ।
छविलाल र भीमसेन पौडेलका परिवारले सोमबार काठमाडौमा पत्रकार सम्मेलन गरी नुरप्रसादमाथि हत्याप्रयास गरेको आरोप लगाए।
