अपहरणकारी तीन बर्षपछि पक्राऊ

काभ्रे- अदालतले सजाय तोकेपनि तीन बर्षदेखि फरार अपहरणकारीलाई प्रहरीले पक्राऊ गरेको छ ।

जिल्ला प्रहरी कार्यालयबाट प्रहरी नायब निरीक्षक दीपेन्द्र चन्दको नेतृत्वमा खटिएको टोलीले फरार रहेका अपहरणकारी बुढाखानी ४ का राकेश लामालाई पक्राऊ गरेको हो ।

२०६७ साल फागुण ७ गते बेलुका बनेपा ५ का १४ वर्षीय सुदिप हुँमागाईलाई फिरौती माग गदै अपहरण गरेका थिए ।

जिल्ला अदालतले अपहरण तथा शरीर बन्धक मुद्दामा लामासहित संलग्न सबैलाई दोषी पुष्टी गर्दै जेठ १४ गते ११ बर्ष कैद र जनही ५० हजार जरिवाना तोकेको थियो । अपहरणमा ५ जना संलग्न थिए ।

अपहरणकारीले सुदीपलाई अपहरण गरेर परिवारसँग १० लाख रुपैयाँ फिरौती मागेका थिए ।