कांग्रेस र एमाले मिलेर हामीलाई युद्धमा धकेलिँदै छ: चन्द

चितवन– नेकपा–माओवादीका सचिव नेत्रविक्रम चन्दले कांग्रेस र एमाले मिलेर आफ्नो पार्टीलाई युद्धमा धकेलिरहेको आरोप लगाएका छन्।

२०५२ सालमा युद्ध लड्न जाँदा र अहिलेको प्रकृति उस्तै देखिएको उनले दाबी गरे।

चितवनमा माओवादी जनस्वयंसेवकको दोस्रो जिल्ला सम्मेलन उद्घाटन गर्दै चन्दले आवश्यक परे हतियारसहित जनमुक्ति सेनाको लाममा लाग्न तयार रहेको बताए।

उनले आफूहरूले युद्ध नचाहेको र शान्तिका लागि क्रियाशील रहेको दाबीसमेत गरे।

सम्मेलनमा करिब ३ सय प्रतिनिधि सहभागी छन्।