नेपालमा पहिलो पटक ‘नो भोट’

काठमाडौं- निर्वाचन आयोगले पहिलोपटक स्थानीय निर्वाचनमा ‘नो भोट’ को व्यवस्था गर्ने भएको छ।

आयोगले सरकारलाई बुझाएको स्थानीय निकाय निर्वाचन कार्यविधि ऐन २०४८ को संशोधन मस्यौदामा यस्तो व्यवस्था राखिएको हो।

निर्वाचन आयुक्त दोलखबहादुर गुरुङले भने, ‘सर्वोच्चको आदेशअनुसार स्थानीय निर्वाचनमा नेगेटिभ भोटिङको व्यवस्था गरिएको छ, नेपालमा यो पहिलो अभ्यास हुनेछ।’

आयोगले संविधानसभामा प्रतिनिधित्व गर्ने दललाई मात्रै स्थानीय निर्वाचनमा राजनीतिक दलको हैसियत दिनसरकारलाई सुझाव दिएको छ।

ऐनको मस्यौदा स्वीकृत भए संविधानसभामा प्रतिनिधित्व गरेका ३० दलले मात्रै स्थानीय निकायमा भाग लिन पाउनेछन्।