कामु प्रधानन्यायाधीशविरुद्ध घूस लिएकोसहित दुई उजुरी

काठमाडौं- प्रधानन्यायाधीशमा सिफारिस भएका कामु प्रधानन्यायाधीश दामोदरप्रसाद शर्माविरुद्घ दुई उजुरी परेका छन् ।

संसदीय सुनुवाइ समितिमा उनीमाथि जागिरको विषय र न्यायालयमा घूसबारे उजुरी परेको हो । शर्माको सोमबार दिउँसो संसदीय सुनुवाइ हुँदैछ ।

गत साता संवैधानिक परिषद्ले कामु प्रधानन्यायाधीश शर्मालाई प्रधानन्यायाधीशमा सिफारिस गरेको थियो । सिफारिसपछि सुनुवाइ समितिले तीन दिनभित्र उजुरीका लागि सार्वजनिक आह्वान गरेको थियो ।

समितिको सोमबार बिहान पहिलो बैठक बस्नेछ । उक्त बैठकले समितिको कार्यविधिलगायत विषयमा छलफल गरेपछि त्यही दिन दोस्रो बैठकमा सुनुवाइ हुनेछ ।