गंगामायाको स्थिति चिन्ताजनक

काठमाडौं- छोराको हत्यारालाई कारबाही हुनु पर्ने माग राखेर १ सय ६५ दिनदेखि अनसनमा बसेका गोरखा फुजेलका नन्दप्रसाद अधिकारी र उनकी पत्नी गंगामाया मध्ये गंगामायाको स्वास्थ्य चिन्ताजनक भएको छ ।

अचेतझै वीर अस्पतालको स्पेशल वार्डको शैयामा रहेकी गंगामायाको छातीको दाहिने भागमा प्वाल पारेर एउटा पाइप छिराइएको छ । त्यही पाइपबाट अस्पताल प्रशासनले स्लाइन दिएर उनको प्राण जानबाट रोकिरहेको छ ।

महिनौंदेखि छातिमा खोपिएको यही प्वाल नै गंगामायाको असह्य पीडाको कारण बनेको छ ।

एक महिनाअघिदेखि उनीहरु दुबैको स्वास्थ्यमा समस्याहरु आउन थालेको थियो । दुबैलाई रिंङटा लाग्ने, टाउको दुख्ने, र पेट पोल्ने समस्या देखिएको थियो ।

महिनौंदेखी वीर अस्पताल बस्दै आएका उनीहरुले पछिल्लो अनसन कात्तिक ७ गतेबाट थालेका थिए ।